समर्थ रुरल एज्युकेशनल इन्स्टिट्यूट संचलित समर्थ इन्स्टिट्यूट ऑफ फार्मसी आणि समर्थ कॉलेज ऑफ फार्मसी, बेल्हे-बांगरवाडी येथील अंतिम वर्ष बी.फार्म. परीक्षेचा निकाल नुकताच जाहीर झाला असून, दोन्ही महाविद्यालयांनी १०० टक्के निकालाची उज्ज्वल परंपरा कायम राखत घवघवीत यश संपादन केले आहे. विद्यार्थ्यांनी मिळविलेल्या या उल्लेखनीय यशामुळे समर्थ शैक्षणिक संकुलाची गुणवत्ता पुन्हा एकदा अधोरेखित झाली आहे.
समर्थ इन्स्टिट्यूट ऑफ फार्मसीच्या अंतिम वर्ष बी.फार्म. परीक्षेत साक्षी सदगीर आणि योगिता वारघाडे यांनी प्रत्येकी ८.९१ SGPA मिळवत संयुक्तपणे प्रथम क्रमांक पटकावला. प्रथम बांगर, श्रुतिका गडगे आणि वैष्णवी लंघे यांनी प्रत्येकी ८.७३ SGPA मिळवत उल्लेखनीय कामगिरी केली. तसेच सौरभ शिंदे, अलीशा सय्यद, आदित्य डेरे, प्रांजल जाधव, पायल ननावरे, त्रिशा रौंधळ, नूतन शिंदे, श्रद्धा वामन, विशाखा डोंगरे आणि सायली गौरी यांनी प्रत्येकी ८.५५ SGPA मिळवत उत्कृष्ट यश संपादन केले.
याचबरोबर समर्थ कॉलेज ऑफ फार्मसीच्या अंतिम वर्ष बी.फार्म. परीक्षेतही सर्व विद्यार्थी उत्तीर्ण झाले असून महाविद्यालयाने १०० टक्के निकाल नोंदविला आहे. अक्षदा दाते आणि आकांक्षा चौधरी यांनी प्रत्येकी ८.४१ CGPA मिळवत संयुक्तपणे प्रथम क्रमांक मिळविला. साक्षी घाडगे हिने ८.३४ CGPA मिळवत द्वितीय क्रमांक, तर अपूर्वा मुलीमानी हिने ८.३२ CGPA मिळवत तृतीय क्रमांक पटकावला.
विद्यार्थ्यांच्या या यशामागे त्यांची वर्षभराची मेहनत, सातत्यपूर्ण अभ्यास, नियमित सराव आणि गुणवत्तापूर्ण शिक्षणाची सांगड महत्त्वाची ठरली. विद्यार्थ्यांना अभ्यासक्रमाबरोबरच आधुनिक फार्मसी क्षेत्रातील आवश्यक ज्ञान व कौशल्ये आत्मसात करण्यासाठी महाविद्यालयाच्या वतीने सातत्याने विविध शैक्षणिक उपक्रम, मार्गदर्शनपर कार्यक्रम आणि आवश्यक शैक्षणिक सुविधा उपलब्ध करून देण्यात येतात. या सर्वांचा सकारात्मक परिणाम विद्यार्थ्यांच्या निकालातून दिसून आला आहे.
विद्यार्थ्यांच्या शैक्षणिक प्रगतीसाठी प्राचार्य डॉ. कुलदीप रामटेके आणि प्राचार्य डॉ. संतोष घुले यांच्या मार्गदर्शनाखाली शैक्षणिक नियोजन करण्यात आले. तसेच डॉ. राहुल लोखंडे, डॉ. सचिन दातखिळे, डॉ. शितल गायकवाड, डॉ. तुषार गांधी आणि प्रा. महाले यांच्यासह शिक्षकवृंदाने विद्यार्थ्यांना सातत्यपूर्ण मार्गदर्शन केले. शिक्षकांचे योग्य शैक्षणिक नियोजन, विद्यार्थ्यांकडे दिलेले वैयक्तिक लक्ष आणि महाविद्यालयाने उपलब्ध करून दिलेल्या दर्जेदार शैक्षणिक सुविधांमुळे विद्यार्थ्यांना हे उल्लेखनीय यश संपादन करता आले.
या यशाबद्दल संस्थेचे अध्यक्ष वसंतराव शेळके, उपाध्यक्ष माऊली शेठ शेळके, सचिव विवेक शेळके, विश्वस्त वल्लभ शेळके, माजी जिल्हा परिषद सदस्य स्नेहलताई शेळके, कॅम्पस डायरेक्टर प्रा. राजीव सावंत आणि प्रशासकीय अधिकारी प्रा. प्रदीप गाडेकर यांनी सर्व यशस्वी विद्यार्थी, प्राचार्य, शिक्षक व शिक्षकेतर कर्मचारी यांचे अभिनंदन केले. तसेच विद्यार्थ्यांनी फार्मसी क्षेत्रात उज्ज्वल करिअर घडवून संस्थेचे व आपल्या कुटुंबाचे नाव उंचावावे, अशा शुभेच्छाही त्यांनी दिल्या.
दोन्ही फार्मसी महाविद्यालयांचा १०० टक्के निकाल आणि विद्यार्थ्यांनी मिळविलेले गुणवत्तापूर्ण यश हे समर्थ शैक्षणिक संकुलातील गुणवत्तापूर्ण शिक्षण, प्रभावी शैक्षणिक नियोजन आणि विद्यार्थीकेंद्रित उपक्रमांचे फलित असल्याचे या निकालातून स्पष्ट झाले आहे.
