पंचनामा प्रतिनिधी – पारगाव भीमाशंकर सहकारी साखर कारखान्याच्या पुर्व बाजूलाच संतोष बबन ढोबळे यांच्या शेतात मेंढपाळ हे मुक्कामी साठी होते.रात्री ठीक २.३० च्या सुमारास बापू शिंदे तसेच बबन शिंदे मेंढपाळ यांच्या दीड वर्षाच्या घोडीवर नरभक्षक बिबट्याने हल्ला केला या हल्ल्यात घोडी जागीच मृत पावली आहे यामुळे त्यांचे मोठे नुकसान झाले आहे.या कुटुंबाला नुकसान भरपाईची मागणी मा. उपसरपंच विठ्ठल ढोबळे, सामाजिक कार्यकर्ते बजरंग देवडे यांनी केली आहे.
यावेळी शेतकरी संतोष ढोबळे,बापु शिंदे व ग्रामस्थ उपस्थित होते.मोरगाव सुपा (बारामती) बापू शिंदे आणि बबन शिंदे हे दोघे बंधू असून हे गेल्या अनेक वर्षांपासून पारगाव परिसरात मेंढपाळसाठी वास्तव्यास आहेत.याबाबत वनविभागाच्या पुजा कांबळे,अशोक जाधव यांनी पंचनामा केला आहे.
पारगाव धामणी बीटच्या निलम चव्हाण यांना फोन द्वारे सदर घटनेची माहिती दिली. मा.उपसरपंच विठ्ठल ढोबळे सामाजिक कार्यकर्ते बजरंग देवडे यांनी वनविभागाने त्वरित पिंजरा लावण्याची मागणी केली आहे. वनविभागाने लवकरात लवकर पिंजरा लावला जाईल असे सांगितले आहे.
