पंचनामा प्रतिनिधी – जऊळके बु. (ता.खेड ) येथील वरची ठाकरवाडी आदिवासी शाळेतील विद्यार्थ्यांना आस्ताना-ए-कलंदर ट्रस्ट पुणे यांच्या वतीने मोफत दप्तर व शालेय शैक्षणिक साहित्याचे वाटप करण्यात आले.यावेळी या मुलांच्या चेहऱ्यावर आनंद दिसत होता.
पुणे येथील आस्ताना – ए – कलंदर या ट्रस्टच्या वतीने जऊळके व इतर शाळेतील गरजू व गरीब विद्यार्थ्यां करिता दरवर्षी हा उपक्रम राबविण्यात येतो.
यावेळी गुळाणी केंद्राचे केंद्रप्रमुख पांडुरंग आव्हाड , शालेय व्यवस्थापन समितीचे अध्यक्ष अशोक मेंगडे, सखी सावित्री समितीच्या सर्व महिला सदस्य, पालकवर्ग, शिक्षक व ग्रामस्थ मोठ्या संख्येने उपस्थित होते.
या उपक्रमासाठी अनुराग महाजन आस्ताना-ए-कलंदर ट्रस्टचे अध्यक्ष दत्ताभाऊ गुंजाळ, आशा नाईक तसेच विश्वस्त सुनील मांदळे यांनी विद्यार्थ्यांना दप्तर व शैक्षणिक साहित्य उपलब्ध करून देण्यासाठी सहकार्य केले. त्यांच्या या सामाजिक उपक्रमामुळे विद्यार्थ्यांच्या शैक्षणिक गरजा पूर्ण होण्यास मोठी मदत झाली.यावेळी विद्यार्थ्यांना दप्तर, वह्या, कंपास, रंगसाहित्य व इतर आवश्यक शैक्षणिक साहित्याचे वितरण करण्यात आले. या उपक्रमामुळे विद्यार्थ्यांमध्ये आनंदाचे वातावरण निर्माण झाले.
कार्यक्रमाचे सूत्रसंचालन रामचंद्र येवले यांनी केले तर आभार वल्लभ क्षिरसागर यांनी मानले.
