पंचनामा प्रतिनिधी – वाफगाव येथील महाराजा यशवंतराव होळकर विद्यालयातील विद्यार्थ्यांना माजी विद्यार्थ्यांच्या वतीने शालेय साहित्य व वह्या वाटप करण्यात आले. यावेळी शालेय विद्यार्थी, शिक्षक व माजी विद्यार्थी उपस्थित होते.
आपण शाळेचे देने लागतो या हेतूने तसेच ग्रामीण भागातील विद्यार्थी शिक्षणा पासून वंचित राहू नये या उद्देशाने वाफगाव येथील माजी विद्यार्थ्यांनी शालेय साहित्य व वह्या वाटप हा उपक्रम राबविला. हा स्तुत्य उपक्रम विद्यालयातील व वसतिगृहातील विद्यार्थ्यांसाठी दर वर्षी राबविण्यात येत असल्याचे माजी विद्यार्थी व उपक्रमाचे संयोजक प्राध्यापक पांडुरंग थिटे यांनी सांगितले.
गावातील माजी विद्यार्थी शाळेच्या भौतिक सुविधा व विद्यार्थ्यांना शैक्षणिक सुविधा उपलब्ध करून देत असल्याने विद्यार्थ्यांनी त्याचा फायदा घेऊन शिक्षण घ्यावे असे आवाहन मुख्याध्यापक एन. एन. डोके यांनी केले.
याप्रसंगी वरुडे गावचे मा. सरपंच व माजी विद्यार्थी मारुती थिटे,मा. उपसरपंच नंदकुमार सुर्वे ,खेड तालुका पत्रकार संघाचे उपाध्यक्ष ईसाक मुलाणी ,पांडुरंग थिटे ,संतोष घोंगणे, राजेंद्र कंगणे,रमेश रणपिसे,संजय खुरपे या माजी विद्यार्थ्यांच्या हस्ते शालेय साहित्य व वह्या वाटप करण्यात आले.
यावेळी मुख्याध्यापक एन.एन.डोके ,पी.बी.गोडे, इम्रान मुलाणी , दत्तात्रय पाचपुते ,सारिका मोहरे ,अमृता सोनार ,विजय सांडभोर आदी शिक्षक व विद्यार्थी उपस्थित होते.
वाफगाव येथील होळकर विद्यालयातील विद्यार्थ्यांना शालेय साहित्य व वह्या वाटप करताना मान्यवर
