पंचनामा प्रतिनिधी – भ.वि.जा. शिक्षण संस्था, मुंढवा, पुणे संचलित मतिमंद मुलांची निवासी शाळा, पाबळ, ता. शिरूर, जि. पुणे येथे दि. २६ जून २०२६ (शुक्रवार) रोजी छत्रपती राजर्षी शाहू महाराज यांची जयंती ‘सामाजिक न्याय दिन’ म्हणून उत्साहपूर्ण वातावरणात साजरी करण्यात आली.
याप्रसंगी छत्रपती राजर्षी शाहू महाराज यांच्या प्रतिमेचे पूजन करून विनम्र अभिवादन करण्यात आले. तसेच विद्यार्थ्यांना त्यांच्या सामाजिक, शैक्षणिक आणि समाजसुधारणेच्या कार्याची सविस्तर माहिती देण्यात आली.
शिक्षणाचा प्रसार, सामाजिक समता आणि वंचित घटकांच्या उन्नतीसाठी त्यांनी दिलेल्या योगदानाचे महत्त्व विद्यार्थ्यांना समजावून सांगण्यात आले.
या कार्यक्रमास शाळेचे मुख्याध्यापक, शिक्षक तसेच शिक्षकेत्तर कर्मचारी उपस्थित होते.
