पंचनामा प्रतिनिधी – शिरदाळे (ता.आंबेगाव) येथील ग्रामपंचायतीच्या आजी माजी पदाधिकाऱ्यांनी राज्यात प्रसिद्ध असलेल्या पाटोदा गावाला भेट दिली.आदर्श सरपंच भास्करराव पेरे पाटील यांच्या संकल्पनेतून उभे राहिलेल्या आदर्श गाव पाटोदा गावचा आदर्श भविष्यात आपल्या शिरदाळे गावामध्ये राबवण्याचा दृष्टीने ही भेट यशस्वी ठरणार आहे.
यावेळी स्वतः पेरे पाटील त्या ठिकाणी उपस्थित नव्हते परंतु दूरध्वनीवरून संपर्क केला असता तुमच्या गावाला लवकरच भेट देण्यासाठी येणार असल्याचे सरपंच पेरे पाटील यांनी सांगितले.
सुसज्ज ग्रामपंचायत इमारत,गावात केलेल्या कामांचा लेखाजोखा, ग्रामपंचायत कामकाज या सर्व गोष्टी अतिशय अनोख्या पद्धतीने नियोजित केलेल्या आहेत.त्यामुळे गावाची बांधणी तसेच गावातील सुसूत्रता आणि एकंदरीत सर्वच व्यवहार आदर्श असल्याचे या भेटीत पाहायला मिळाले.
यावेळी सरपंच मनोज तांबे,उपसरपंच बिपीन चौधरी,मा.सरपंच गणेश तांबे,मा.सरपंच राजेंद्र चौधरी,सोसायटी संचालक जयदीप चौधरी हे मंडळी उपस्थित होते.
