पंचनामा प्रतिनिधी – वाळुंज नगर (ता.आंबेगाव ) येथील श्रेयस किसन वाळुंज याने पहिल्याच प्रयत्नात सी.ए.(चार्टड अकाउटंट ) फायनल परीक्षेत घवघवीत यश संपादन करून सनदी लेखापाल होण्याचा बहुमान मिळविला.त्यामुळे परिसरातून त्याच्यावर कौतूकाचा वर्षाव होत आहे.
श्रेयसचे प्राथमिक शिक्षण लोणी येथे झाले.पाचवी ते दहावी अवसरी बुद्रक व अकरावी,बारावी व पदवीपर्यंतचे शिक्षण पुणे येथील मॉर्डन महाविद्यालय येथे झाले.
श्रेयसचे वडील जिल्हा बॅकेत अधिकारी आहेत तर आई प्राथमिक शिक्षिका आहे. त्यामुळे घरातूनच शिक्षणाचे बाळकडू मिळालेल्या श्रेयसने आपल्या यशाचे सर्व श्रेय, आई वडील ,भाऊ आणि गुरजनांना दिले.
श्रेयसला मिळविलेल्या यशाबद्दल मा.सहकार मंत्री दिलीप वळसे पाटील, जिल्हा परिषदेचे उपाध्यक्ष विवेक वळसे पाटील,मंत्रालयातील महसूल विभागाचे सहसचिव कैलास गायकवाड व ग्रामस्थांनी अभिनंदन केले.
