पंचनामा प्रतिनिधी – पंचायत समिती आंबेगाव तर्फे राष्ट्रीय पंचायत राज दिन साजरा करण्यात आला या दिवसाचे अवचित्य साधत तालुक्यातील जिल्हा परिषद अंतर्गत येणाऱ्या तालुक्यातील विविध विभागातील गाव पातळीवर उल्लेखनीय काम करणाऱ्या कर्मचाऱ्यांचा पंचायत समिती मार्फत पुरस्कार देऊन सन्मान करण्यात आला.
यामध्ये धामणी गावठाण अंगणवाडीतील अंगणवाडी सेविका सौ.महेश्वरी आळेकर तसेच मदतनीस सौ.प्रीतम रोडे यांना महिला बालकल्याण विभागामार्फत प्रशस्तीपत्र देऊन सन्मानित करण्यात आले.
या कार्यक्रमाचे अध्यक्ष पंचायत समिती सभापती कैलास बुवा काळे होते. या कार्यक्रमासाठी पंचायत समिती सभापती कैलास बुवा काळे तसेच उपसभापती ज्योती पारधी पंचायत समिती सदस्य प्रियंका वाघ निलेश टेमकर संजय पवळे गटविकास अधिकारी सौ प्रमिला वाळुंज सहाय्यक गटविकास अधिकारी वैशाली इदे बालविकास प्रकल्प अधिकारी श्री कुलदीप जाधव पर्यवेक्षिका सौ अनिता लांडे , अनिता हिरवे पंचायत विस्तार अधिकारी श्री रंगनाथ हुजरे व तालुक्यातील अधिकारी वर्ग उपस्थित होता.
कार्यक्रमाच्या शेवटी विस्तार अधिकारी श्री रंगनाथ हुजरे यांनी आभार मानले.
