पंचनामा न्यूज – समर्थ रुरल एज्युकेशनल इन्स्टिट्यूट संचलित समर्थ गुरुकुल, बेल्हे (CBSE पॅटर्न) येथील दहावी परीक्षेचा निकाल यंदा शंभर टक्के लागला असल्याची माहिती प्राचार्य सतीश कुऱ्हे यांनी दिली. विद्यार्थ्यांनी उत्कृष्ट यश संपादन करून संस्थेचे नाव उज्ज्वल केले आहे.
या परीक्षेत अद्वैत शिंदे याने ९२.४% गुण मिळवून प्रथम क्रमांक पटकावला. वेदांत चिकणे याने ९०.८% गुणांसह द्वितीय क्रमांक मिळवला, तर श्रेयश डोंगरे याने ९०% गुणांसह तृतीय क्रमांक प्राप्त केला. तसेच भक्ती जाधव हिने ८९.६% गुण मिळवून चतुर्थ क्रमांक मिळवला.
या यशाबद्दल संस्थेचे अध्यक्ष वसंतराव शेळके, उपाध्यक्ष माऊली शेठ शेळके, सचिव विवेक शेळके, विश्वस्त वल्लभ शेळके, माजी जिल्हा परिषद सदस्या स्नेहलताई शेळके, कॅम्पस डायरेक्टर प्रा. राजीव सावंत, प्राचार्य सतीश कुऱ्हे, क्रीडा संचालक हरिश्चंद्र नरसुडे, प्रशासकीय अधिकारी प्रा.प्रदीप गाडेकर, डॉ.शरद पारखे,तसेच संकुलातील सर्व प्राचार्य, विभागप्रमुख, शिक्षक व शिक्षकेतर कर्मचारी यांनी यशस्वी विद्यार्थ्यांचे व शिक्षकांचे अभिनंदन केले.
श्री. रामचंद्र मते, शीतल पाडेकर, प्रिया कडुस्कर, दीपाली नवले, दत्तात्रय राऊत, अनुराधा इरलीकर, विशाखा शिंदे, वैशाली सहाने, प्रियांका गडगे या शिक्षकांनी विद्यार्थ्यांना मार्गदर्शन केले.
विद्यार्थ्यांच्या सातत्यपूर्ण परिश्रमामुळे आणि शिक्षकांच्या मार्गदर्शनामुळे हे यश शक्य झाल्याचे तसेच भविष्यातही विद्यार्थ्यांनी अशीच यशाची परंपरा कायम ठेवावी असा विश्वास प्राचार्यांनी व्यक्त केला.
