पुणे : जिथे ब्रह्मज्ञानामुळे चेतना जागृत होते, प्रेमामुळे हृदय प्रकाशमान होते आणि सेवा हा जीवनाचा संकल्प बनतो, तिथे संत समागम हा आत्मिक जागृतीचा असा पवित्र उत्सव बनतो, जो मनुष्याला स्वतःच्या अंतरंगात डोकावून पाहण्याची आणि परमात्म्याशी जोडले जाण्याची प्रेरणा देतो.
याच दिव्य भावना आणि आध्यात्मिक चेतनेला साकार करत, सदगुरू माता सुदीक्षा जी महाराज आणि निरंकारी राजपिता रमित जी यांच्या पावन छत्रछायेखाली ७९वा वार्षिक निरंकारी संत समागम २३ ते २६ ऑक्टोबर २०२६ या कालावधीत संत निरंकारी आध्यात्मिक स्थळ, समालखा येथे आयोजित करण्यात येत आहे. देश-विदेशातून हजारो श्रद्धाळू या विशाल संत समागमामध्ये एकत्र येऊन सत्संग, सेवा, प्रेम आणि भक्तीच्या या दिव्य मिलनात सहभागी होणार आहेत. पुणे जिल्ह्यातून हजारो च्या संख्येने भक्त भाविक सहभागी होणार आहेत.
श्रद्धाळूंच्या वाढत्या सहभागासोबतच समागम स्थळावरील तयारी आता अंतिम टप्प्यात पोहोचली आहे. संतांच्या निःस्वार्थ सेवा, अथक परिश्रम आणि समर्पणामुळे साधारण भासणारे हे मैदान आज एका दिव्य आध्यात्मिक नगरीचे स्वरूप धारण करत आहे. विशाल पंडालांमध्ये श्रद्धाळूंसाठी सुव्यवस्थित व्यवस्था करण्यात आली आहे. तसेच अत्याधुनिक एल.ई.डी. स्क्रीन बसविण्यात येत आहेत, ज्यामुळे परिसरातील प्रत्येक कोपऱ्यात बसलेल्या श्रद्धाळूंना प्रेरणादायी प्रवचने, भावपूर्ण भजने आणि आध्यात्मिक विचार सहजपणे पाहता व ऐकता येतील आणि ते सत्संगाच्या आध्यात्मिक प्रवाहाशी एकरूप होऊ शकतील.
हा संत समागम केवळ एक वार्षिक कार्यक्रम नसून ब्रह्मज्ञान, भक्ती, समर्पण आणि आत्मिक जागृतीचा पवित्र संगम आहे. येथे श्रद्धाळूंना आपल्या अंतःचेतनेला जागृत करण्याची, परमात्म्याशी आत्म्याचे असलेले नाते अनुभवण्याची तसेच विश्वबंधुत्व, सौहार्द आणि निःस्वार्थ सेवा यांसारख्या मानवी मूल्यांना आपल्या जीवनात आत्मसात करण्याची प्रेरणा मिळते. संत समागमाची हीच भावना मनुष्याला बाह्य यश-उपलब्धींच्या पलीकडे जाऊन आपल्या अंतर्मनातील समृद्धी ओळखण्याची संधी प्रदान करते.
समागमाच्या भव्यतेमध्ये श्रद्धाळू भक्तांनी साकारलेले मुख्य स्वागत द्वार विशेष आकर्षणाचे केंद्र ठरले आहे. आपल्या अनुपम कलात्मकतेसह भव्य स्वरूपामुळे हे प्रवेशद्वार समागमाच्या आध्यात्मिक गरिमेचे दर्शन घडवते. हे केवळ स्वागतासाठी उभारलेले प्रवेशद्वार नसून सेवा, समर्पण, सृजनशीलता आणि सामूहिक श्रद्धेची साकार अभिव्यक्ती आहे. श्रद्धाळूंच्या वाढत्या सहभागासोबतच त्याचे स्वरूपही सातत्याने अधिक विस्तार आणि भव्यता प्राप्त करत आहे. त्याची दिव्य आभा जणू प्रत्येक आगंतुकाचे प्रेम, आपलेपणा आणि समभावाने हार्दिक स्वागत करत असून संत समागमाच्या मानवी संदेशाचे दर्शन घडवत आहे.
संत निरंकारी मंडळाचे सचिव श्री. जोगिंदर सुखीजा जी यांनी माहिती देताना सांगितले की, सतगुरु माताजींच्या दिव्य प्रेरणा आणि आशीर्वादाने समागमाच्या सर्व व्यवस्था सुव्यवस्थितपणे पुढे सुरू आहेत. समागमाचे सुरळीत संचालन, सहज आवागमन आणि श्रद्धाळूंना आवश्यक सुविधा उपलब्ध करून देण्याच्या उद्देशाने संपूर्ण परिसराचे चार प्रमुख क्षेत्रांमध्ये विभाजन करण्यात आले आहे. संतांची कर्मठ आणि निःस्वार्थ सेवा भावना या स्थळाला एका भव्य, सुंदर आणि सुव्यवस्थित आध्यात्मिक नगरीचे स्वरूप प्रदान करत आहे. येथे पोहोचताच श्रद्धाळूंना सेवा, समर्पण आणि आध्यात्मिक वातावरणाची दिव्य अनुभूती होत आहे.
७९वा वार्षिक निरंकारी संत समागम हा प्रेम, भक्ती आणि आत्मिक जागृतीच्या त्या पवित्र प्रवाहाशी जोडले जाण्याची एक अनमोल संधी आहे, जो जीवनाला अंतःकरणातून प्रकाशित होण्याची प्रेरणा देतो. या दिव्य आध्यात्मिक मिलनात सर्व संत महात्मा आणि श्रद्धाळू भक्तांचे मनःपूर्वक स्वागत आहे.
