पंचनामा पारगाव (शिंगवे) प्रतिनिधी – आंबेगाव तालुक्यातील सर्वार्थाने प्रगतशील गाव म्हणून ओळख असणाऱ्या व ग्रामपंचायतच्या माध्यमातून विविध नाविन्यपूर्ण उपक्रम राबविण्यात अग्रेसर असणाऱ्या जवळे गावात मुख्यमंत्री पंचायत राज अभियान निमित्त ग्रामपंचायत स्तरावर राबविण्यात येत असलेल्या विविध उपाययोजनांची पाहणी करण्यासाठी जिल्हा परिषद पुणे या ठिकाणाहून मा.श्री.भूषण जोशी उपमुख्य कार्यकारी अधिकारी ( पंचायत) जिल्हा परिषद पुणे, समवेत पंचायत समिती आंबेगाव गटविकास अधिकारी अर्चना कोल्हे, विस्तार अधिकारी रंगनाथ हुजरे यांच्या वतीने ग्रामपंचायत ने केलेल्या विविध कामांचा आढावा घेण्यात आला.
यामध्ये ग्रामपंचायत कार्यालय, ग्रामपंचायत मध्ये सुरू असलेली ऑनलाइन प्रणाली,नवनवीन उपक्रम, वृक्ष संवर्धन, दिशादर्शक फलक, जिल्हा परिषद प्राथमिक शाळा जवळे येथील विद्यार्थ्यांचे अध्यापन याचा आढावा घेण्यात आला.तसेच अंगणवाडी या ठिकाणी असणाऱ्या सर्व सोयी सुविधांची पाहणी करण्यात आली.
यावेळी गावच्या आदर्श सरपंच सौ.वृषालीताई उत्तम शिंदे पाटील,ग्रामपंचायत अधिकारी शिला साबळे, बचत गट प्रतिनिधी चंद्रकला गायकवाड,शालन सोनवणे,(अंगणवाडी सेविका) सुनंदा शिंदे (आशा वर्कर) उपस्थित होते.
