
पंचनामा प्रतिनिधी – आंबेगाव तालुक्यातील पारगाव शिंगवे ग्रामपंचायत कार्यालयात हिंदुहृदयसम्राट, शिवसेनाप्रमुख वंदनीय बाळासाहेब ठाकरे यांच्या स्मृतीदिनानिमित्त शिवसैनिकांच्या वतीने त्यांच्या प्रतिमेचे पूजन करून त्यांना विनम्र अभिवादन करण्यात आले.
या अभिवादन कार्यक्रमास पुणे जिल्हा परिषदेचे मा.उपाध्यक्ष मा.श्री.अरूणभाऊ गिरे,शिवसेना उपतालुकाप्रमुख किरण ढोबळे,ग्रामपंचायत सदस्य काळुरामशेठ लोखंडे, सामाजिक कार्यकर्ते बजरंगशेठ देवडे,ग्रामपंचायत सदस्य विरेंद्र ढोबळे, चेअरमन शिवाजी नाना ढोबळे शिवसेना शाखाप्रमुख श्रीकांत लोखंडे,ग्रामविकास अधिकारी मा.श्री.कचरदास भोजणे यांच्यासह गावातील ग्रामस्थ आणि शिवसैनिक उपस्थित होते.
बाळासाहेबांचे विचार, हिंदुत्वाची भूमिका आणि मराठी माणसाचा स्वाभिमान जपत शिवसेनेचा विचार तळागाळापर्यंत पोहोचविण्याचा निर्धार यावेळी उपस्थित शिवसैनिकांनी व्यक्त केला.






