पोलीस उपनिरीक्षक सचिन कांडगे यांनी घेतले पारेश्वराचे दर्शन; भाविकांना दिल्या शुभेच्छा
पंचनामा प्रतिनिधी पारगाव – पवित्र श्रावण महिन्यातील चौथ्या सोमवारनिमित्त पारगाव येथील पारेश्वर मंदिरात भाविकांनी दर्शनासाठी मोठी गर्दी केली होती. यावेळी पारगाव कारखाना पोलिस ठाण्याचे पोलीस उपनिरीक्षक सचिन कांडगे यांनी पारेश्वराचे दर्शन घेऊन उपस्थित भाविकांना चौथ्या सोमवारच्या शुभेच्छा दिल्या.
चौथ्या सोमवारनिमित्त पारगाव ग्रामस्थांच्या वतीने भाविकांसाठी खिचडीचे आयोजन करण्यात आले होते. तसेच भाविकांना खिचडी, केळी, चिक्की तसेच राजगिरा लाडू आदी फराळाचे वाटप करण्यात आले. या उपक्रमाची माहिती किरण कोल्हे सर यांनी दिली.
यावेळी पारगाव कारखाना पोलिस ठाण्याचे पोलीस उपनिरीक्षक सचिन कांडगे, माजी उपसरपंच विठ्ठल ढोबळे, पारगाव पोलिस हेड कॉन्स्टेबल संजय साळवे, रोहिदास लोंढे, शंकर देवडे, रंगनाथ चव्हाण, सचिन ढोबळे, साईनाथ गायकवाड, मुख्याध्यापक संतोष लबडे सर, पारेश्वर मंदिराचे पुजारी गणेश बारवे, संतोष ढोबळे, विवेक चव्हाण, गणेश चव्हाण, सुहास मिंडे आदी मान्यवर उपस्थित होते.
चौथ्या सोमवारनिमित्त मंदिर परिसरात भक्तिमय वातावरण निर्माण झाले होते. ग्रामस्थांनी केलेल्या फराळ व खिचडी वाटपाच्या उपक्रमास भाविकांनी उत्स्फूर्त प्रतिसाद दिला.
