पंचनामा प्रतिनिधी – पुणे आणि पिंपरी-चिंचवडमध्ये गेल्या २४ तासांत मुसळधार पावसाने अक्षरशः कहर केला आहे. जून महिन्यातील पावसाची कमतरता जुलैमध्ये भरून निघताना शहरासह धरण क्षेत्रात जोरदार पावसाची नोंद झाली. चिंचवडमध्ये तब्बल २०६ मिमी पावसाची विक्रमी नोंद झाली असून, पुणे शहरात १०८ मिमी पाऊस पडला आहे. हा यंदाच्या हंगामातील तिसऱ्या क्रमांकाचा सर्वाधिक पाऊस ठरला आहे. या दमदार पावसामुळे पवना धरणातील पाणीसाठा ४०% पर्यंत पोहोचला असून, पुढील काही दिवसही पावसाचा जोर कायम राहण्याची शक्यता हवामान विभागाने व्यक्त केली आहे.
