सामाजिक

तरुणांनी मोठ्या संख्येने पायी वारीत सहभागी व्हावे – ह.भ.प. पुरुषोत्तम महाराज पाटील

1009962045
1009962045

पंचनामा प्रतिनिधी – आळंदी येथे ह.भ.प. पुरुषोत्तम महाराज पाटील यांची पारगाव (ता.आंबेगाव) येथील वारकरी व ग्रामस्थांनी सदिच्छा भेट घेतली. यावेळी आगामी आषाढी वारीच्या पार्श्वभूमीवर विविध विषयांवर चर्चा झाली.

पारगाव येथील काही तरुण दरवर्षी श्री संत ज्ञानेश्वर महाराज पालखी सोहळा अंतर्गत आळंदी ते पंढरपूर या पायी वारीत उत्साहाने सहभागी होत असतात. याच पार्श्वभूमीवर पारगावचे मा.उपसरपंच विठ्ठल ढोबळे हे एकादशीच्या दिवशी दर्शनासाठी आळंदी येथे गेले असता त्यांची ह.भ.प. पुरुषोत्तम महाराज पाटील यांच्याशी भेट झाली.

यावेळी पुरुषोत्तम महाराज पाटील यांनी, “दरवर्षीप्रमाणे यंदाही मोठ्या उत्साहाने पायी वारीत सहभागी व्हावे. विशेषतः तरुणांनी वारीची परंपरा, संस्कार आणि भक्तीचा आनंद अनुभवण्यासाठी मोठ्या संख्येने सहभागी व्हावे,” असा संदेश दिला. तसेच यंदाच्या वारीसाठी त्यांनी आवर्जून स्नेहनिमंत्रणही दिले.

या प्रसंगी पारगावचे मा.आदर्श उपसरपंच विठ्ठल ढोबळे, ह.भ.प. निवृत्ती महाराज लोखंडे, सामाजिक कार्यकर्ते बजरंग देवडे, घनश्याम लोखंडे तसेच युवा उद्योजक अतुल पवळे उपस्थित होते.

आळंदी ते पंढरपूर वारीच्या पार्श्वभूमीवर आळंदी देवस्थानच्या विश्वस्तांशी चर्चा करताना पारगावचे मा.आदर्श उपसरपंच विठ्ठल ढोबळे समवेत ग्रामस्थ.

1009962020
1009944556

Related posts

डॉक्टर आणि रुग्ण यांच्यातील महत्त्वाचा दुवा म्हणजे नर्सेस – डॉ. आकाश आवारी

Chief Editor

समर्थ गुरुकुल मध्ये वार्षिक क्रीडा स्पर्धा संपन्न ; ४३७ विद्यार्थ्यांचा उस्फुर्त प्रतिसाद !!

Chief Editor

मांदळेवाडी (ता.आंबेगाव) येथे वादळी वारा आणि पावसाने झाले शेतकऱ्यांचे नुकसान !!

Chief Editor

Leave a Comment