पंचनामा प्रतिनिधी – आंबेगाव तालुक्याच्या पूर्व भागातील जारकरवाडी, लोणी, धामणी लाखणगाव, पोंदेवाडी परिसरात रविवारी मान्सून पावसाने दमदार हजेरी लावली ज्यामुळे शेतकरी वर्गात समाधानाचे वातावरण निर्माण झाले आहे.
या पावसादरम्यान वादळी वारे,कडकडणारी वीज आणि वीज पडल्यामुळे मांदळेवाडी येथे नागरीकांचे मोठे नूकसान झाले आहे.येथील ॲड.अशोक पालेकर पाटील यांच्या सोलर वर वीज पडून स्फोटा सारखा आवाज होऊन सोलरचे मोठे नुकसान झाले आहे.
विलास गोरडे, संभाजी आदक, दगडूभाऊ आदक, मारुती मंदिर व ग्रामपंचायत मधील इनव्हटरचे विजेच्या मोठ्या आवाजाने मोठे नुकसान झाले आहे. तर जोरदार वारा, कडकडणारी वीज यामुळे मांदळेवाडी येथील वीज रविवार ( दि.२१) रोजी चार वाजता गायब झाली ती सोमवार (दि.२२) दुपार पर्यंत आली नव्हती त्यामुळे जनावरांच्या पिण्याच्या पाण्याचा प्रश्र निर्माण झाला होता.
