पंचनामा प्रतिनिधी – आंबेगाव तालुक्यातील पारगाव (शिंगवे ) येथे दि. १६/०६/२०२६ रोजी सुहास मिंडे यांच्या पोल्ट्री फार्मवर मध्यरात्री बिबट्याने लोखंडी जाळी असलेल्या कंपाऊंडच्या आतमध्ये प्रवेश करुन कोंबड्यावर हल्ला केला.यात १२० कोंबडया मृत्युमुखी पडल्या आहेत. ज्यामुळे सुहास मिंडे यांचे ५० ते ६० हजार रुपयांचे नुकसान झाले आहे.
रात्री उशिरा सुहास मिंडे यांना कोंबड्यांच्या ओरडण्याचा आवाज आल्यानंतर ते काही वेळातच बाहेर आले.सदर ठिकाणी कोंबड्या त्यांना मृतावस्थेत आढळून आल्या.
सदर घटनेची माहिती त्यांनी पारगावचे मा.उपसरपंच विठ्ठल ढोबळे यांना दिली. विठ्ठल ढोबळे यांनी वनविभागाच्या पुजा कांबळे यांना सदर घटनेची माहिती दिली. वनविभागाच्या पुजा कांबळे यांनी पाहणी करून पंचनामा केला.
यावेळी मा.उपसरपंच विठ्ठल ढोबळे,सुरक्षा अधिकारी कैलास गाढवे,रंगनाथ चव्हाण, संतोष चव्हाण,विवेक चव्हाण आदी उपस्थित होते.
