पंचनामा प्रतिनिधी – लोणी ( ता. आंबेगाव) ते जारकरवाडी मार्गे मंचर या रस्त्यावर धामणी येथील द्रोणागिरी-जाधवमळा,जारकरवाडी येथील भोजणधरा व लोले वस्ती आणि धामणी फाटा नजदिक रस्त्यावर लहान मोठे खड्डे मोठ्या प्रमाणात पडल्याने लहान मोठ्या वाहन चालकांना गाडी चालविताना तारेवरची कसरत करावी लागत आहे.त्यामुळे आता या रस्त्यावरील खड्डे बुजविणे महत्वाचे नसून आता या रस्त्याचे डांबरीकरण करावे अशी मागणी स्थानिक नागरीक व वाहान चालकांनी केली आहे.
लोणी परिसरातील नागरीकांना व शिरूर तालुक्यातील पाबळ,केंदूर,कान्हूरमेसाई परिसरतील नागरीकांना लोणी वरून जारकरवाडी मार्गे मंचरला जाण्यासाठी हा एकमेव जवळचा महत्वाचा रस्ता असल्याने या रस्त्यावरून लहान मोठ्या वाहानांची मोठी वर्दळ असते.पण वरील ठिकाणी रस्त्यावर मोठ्या प्रमाणात लहान मोठे खड्डे पडल्याने वाहान चालकांना मोठा मनस्ताप सहन करावा लागत असल्याने सार्वजनिक बांधकाम विभागाने या रस्त्यावरील खड्डे त्वरीत बुजवावेत अशी मागणी धामणीचे मा.सरपंच सागर जाधव पाटील, मा.सरपंच रेश्मा बोर्हाडे, उपसरपंच अक्षयराजे विधाटे, अशोक जाधव पाटील स्थानिक ग्रामस्थ व वाहन चालकांनी केली आहे.
