खिल्लार देशी गोवंश संवर्धनाचा अभिमान.. लाडक्या “भारत”चा पहिला वाढदिवस !!
पंचनामा विशेष – घरच्या गाईपासून जन्मलेला खिल्लार देशी गोवंशाचा लाडका “भारत” याचा पहिला वाढदिवस मोठ्या उत्साहात साजरा करण्यात आला आहे .
पूर्वीच्या काळात रणपिसे परिवाराकडे असलेला “भारत” हा शिरदाळे गावातील सर्वात वेगवान आणि मानाचा पळणारा बैल म्हणून ओळखला जायचा. त्या अभिमानास्पद आठवणी जपण्यासाठी आणि देशी गोवंश संवर्धनाचा वारसा पुढे नेण्यासाठी, त्याच नावाने नव्या “भारत”चे संगोपन करण्यात आले आहे.
आज त्या नव्या “भारत”चा पहिला वाढदिवस हा संपूर्ण गावासाठी आनंदाचा आणि अभिमानाचा क्षण आहे.
कार्यक्रमामध्ये बैलाची भव्य मिरवणूक आयोजित करण्यात आली होती, हनुमान मंदिराच्या प्रांगणात शिरदाळे ग्रामस्थ आणि रणपिसे परिवराच्या नातेवाईक पै. पाहुणे मित्रपरिवाराच्या उपस्थितीमध्ये बैलाचे औक्षण करून केक कापण्यात आला,
यानंतर संपूर्ण गावासाठी स्नेहभोजनाची व्यवस्था करण्यात आली होती.
देशी खिल्लार गोवंशाचे संवर्धन, आपल्या परंपरेचा सन्मान आणि गावाची एकजूट याचे हे सुंदर उदाहरण आहे.
