पंचनामा लोणी (धामणी) प्रतिनिधी – आंबेगाव तालुक्यातील सर्वार्थाने प्रगतशील गाव म्हणून ओळख असणाऱ्या जारकरवाडी गावच्या ढोबळेवाडी येथील जिल्हा परिषद प्राथमिक शाळेत अभिनव पद्धतीने शिवजयंती उत्सव सोहळा संपन्न करण्यात आला.
यावेळी पारंपारिक पद्धतीने पालखीतून महाराजांच्या प्रतिमेचे मिरवणुक संपन्न झाली.गावातील सर्व महिला भगिनींनी ढोल ताशाच्या गजरात लेझीम खेळत,फुगड्या घालत, पाळणा गीत गात,फेर धरत मिरवणुकीत सहभाग नोंदवला.चिमुकल्या विद्यार्थ्यांनी महाराजांच्या जीवनावर प्रकाश टाकणारे पोवाडे गायले.
जिल्हा परिषद प्राथमिक शाळा ढोबळेवाडी या शाळेत नेहमीच संस्कारक्षम उपक्रम राबविले जात असतात.परिसर अभ्यास, प्रत्यक्ष कार्य भेट दौरा,दप्तरविनी शाळा, आठवडे बाजार,खाऊ गल्ली, बोलक्या भिंती,सामाजिक बांधिलकी जपणारे विविध उपक्रम,वार्षिक स्नेहसंमेलन,विविध स्पर्धा परीक्षा व त्यासाठी आवश्यक असणाऱ्या मार्गदर्शिका आदी उपक्रम राबविण्यात येत आहेत.
कार्यक्रमाच्या शेवटी महाराजांची आरती झाली. संपूर्ण कार्यक्रमाचे आयोजन जिल्हा परिषद प्राथमिक शाळा प्रशासन,शालेय व्यवस्थापन समिती, मुख्याध्यापक अशोक हिंगे सर, सहशिक्षिका मनिषा हिंगे, अंगणवाडीताई लताश्री लबडे, निर्मला पाचपुते, गावातील सर्व तरुण सहकारी यांनी केले.
