पंचनामा लोणी (धामणी) प्रतिनिधी – रानमळा (ता.आंबेगाव ) येथे श्री धर्मनाथ महाराज यात्रा ( बिज ) निमित्त विविध धार्मिक कार्यक्रमाचे आयोजन करण्यात आले आहे.
मंगळवार (दि.२०) रोजी सकाळी ७ ते ८ वाजता देवास हारतुरे व महापूजा, सकाळी ८ ते सायंकाळी ७ वाजता बैलगाड्यांच्या भव्य जंगी जर्यती, सायंकाळी ७ ते ९ वाजता देवास नैवद्य,दिपोत्सव व भव्य मिरवणूक व शोभेचे दारुकाम,रात्री नऊ वाजता मंगला बनसोडे सह नितीन बनसोडे यांचा लोकनाटय तमाशाचा मनोरंजनाचा कार्यक्रम होईल.तसेच रात्री ११ ते पहाटे ५ वाजता चक्रीय भजनाचा कार्यक्रम होईल.
बैलगाड्याच्या भव्य जंगी शर्यती साठी एकूण इनाम १,७७,०११/ रुपये, दोन ईडीटिव्ही, तीन फवारणी पंप,तीन टेबल फॅन,तीन मोबाईल तसेच प्रथम क्रमांकास ५१००१/ रूपये, व्दितीय क्रमांकास ४१००१/ रूपये, तृतीय क्रमांकास ३१००१/ रूपये, चतुर्थ क्रमांकास २१००१/ रूपये.घाटाचा राजा यासाठी एकभव्य ट्रॉफी व एक खिलार बॅग तसेच फायनल साठी प्रथम क्रमांकास १५००१/ रूपये, व्दितीय क्रमांकास ११००१/ रुपये, तृत्तीय क्रमांकास ७००१/ रुपये असे बक्षिस ठेवलेले आहे.तसेच रविवार (दि.१८) रोजी सकाळी ८ ते १२ वाजता टोकन काढले जातील टोकन फी १०००/ रूपये असून ५००/ रुपये परत केले जातील व ५००/ रूपये देणगी स्वरूपात स्विकारले जातील.टोकन फि ऑनलाईन स्विकारली जाणार नाही. एका व्यक्तीस एकच टोकन मिळेल.
बुधवार (दि.२१) रोजी सकाळी नऊ वाजता देवास दंडवत व शेरणी कार्यक्रम होईल. या सर्व कार्यक्रमाचे आयोजन समस्थ ग्रामस्थ रानमळा (लोणी), मुंबई, ठाणे, पुणे येथील मंडळीनी केले आहे.अशी माहिती ग्रामस्थांनी एका प्रसिद्धी पत्रकाव्दारे दिली आहे.
