पंचनामा पारगाव (शिंगवे) प्रतिनिधी – मौजे जवळे या ठिकाणी वन विभाग हद्दीमध्ये अज्ञात व्यक्ती यांनी रात्रीच्या वेळी मृत गाई तसेच पोल्ट्री व्यावसायिक आजूबाजूच्या परिसरातील यांनी मृत कोंबड्या या वन विभाग हद्दीमध्ये ग्रामपंचायत जवळे कार्यक्षेत्रात आणून टाकलेले आहेत याची माहिती ग्रामस्थांनी जवळे ग्रामपंचायतच्या कर्तव्यदक्ष सरपंच सौ.वृषालीताई उत्तम शिंदे पाटील यांना दिली. त्यांनी तात्काळ वन विभागाचे अधिकारी विकास भोसले यांच्याशी संपर्क साधून घडलेल्या घटनेची माहिती दिली.
त्यावेळी वनपरिक्षेत्राधिकारी भोसले यांनी तात्काळ त्या ठिकाणी आपले वन कर्मचारी यांना पाठवून घटनेची माहिती घेतली तसेच संबंधितांवर योग्य ती कारवाई करण्याचे आश्वासन दिले तसेच वनविभाग हद्दीमध्ये सीसीटीव्ही कॅमेरे बसवण्यात येतील अशी माहिती दिली व अशा घटना पुन्हा घडू नये यासाठी ग्रामस्थांनीही ग्रामपंचायत व वन विभाग यांच्या संपर्कात राहून असे कृत्य करणाऱ्यांचे नाव कळवावे त्यांना योग्य ते बक्षीस दिले जाईल असे सांगितले.
या ठिकाणी प्रत्यक्ष बोत्रे वनरक्षक, वनपाल फुलमाळी, वन कर्मचारी महेश टेमगिरे , सरपंच यांच्या समवेत पाहणी केली व तात्काळ त्या ठिकाणी खड्डा घेऊन गाय व कोंबड्या दफन करण्यात आले आहे.या बद्दल स्थानिकांनी ग्रामपंचायत व वनविभाग यांचे आभार मानले आहेत.
