पंचनामा प्रतिनिधी – आंबेगाव तालुक्यातील सर्वर्थाने प्रगतशील गाव म्हणून ओळख असणाऱ्या जारकरवाडीच्या ढोबळेवाडी येथील प्रगतशील शेतकरी श्री.बाळासाहेब धनु पाचपुते यांच्या भरवस्तीत असणाऱ्या गोठ्यातील कालवडीवर पहाटे 4.30 वाजता बिबट्याने हल्ला केला. या हल्ल्यात कालवड जबर जखमी झाली आहे.
गेले काही दिवस जारकरवाडी परिसरात बिबट्याचे हल्ले थांबले होते. प्रामुख्याने ऊस तोड झाल्याने आश्रयस्थान कमी झाले होते त्यामुळे बिबट्याचे प्रस्थ कमी झाले होते.मात्र आज भर वस्तीत असणाऱ्या गोठ्यात बिबट्याने शिरकाव करून कालवडीवर हल्ला केल्याने ग्रामस्थ भयभीत झाले आहेत.
बिबट्याला जेरबंद करण्यासाठी वनविभागाने या परिसरात ताबडतोब पिंजरा लावावा अशी मागणी भीमाशंकर सहकारी साखर कारखान्याचे संचालक, मा.उपसभापती श्री. रामचंद्र ढोबळे, उपसरपंच सचिन टाव्हरे, माजी उपसरपंच बाळासाहेब ढोबळे, संचालक दादाभाऊ टाव्हरे, भीमाशंकर ढोबळे, प्रदीप ढोबळे, विलास ढोबळे, विलास पाचपुते, नितीन ढोबळे यांनी केली आहे.
