पंचनामा प्रतिनिधी – आंबेगाव तालुक्यातील सर्वार्थाने प्रगतशील गाव म्हणून ओळख असणाऱ्या खडकवाडी- नाथनगर येथे भैरवनाथ यात्रा उत्सवा निमित्त मंगळवार ( दि.३१) रोजी विविध धार्मिक कार्यक्रमाचे आयोजन करण्यात आले आहे.
सकाळी ७ ते ८ वाजता श्रींची महापूजा, हारतुरे, मांडव डहाळे व अभिषेक व सकाळी ८ वाजता ते सायंकाळी ७ वाजेपर्यंत बैलगाडा शर्यतीचे आयोजन केले आहे.त्यासाठी एकूण इनाम ३,५१,५५५/ रुपये, चार एलसीडी, चार कूलर, एक फ्रिज,तीन फॅन, तीन जूपता बैलगाडा तसेच घाटाचा राजा ५००१ रुपया तसेच बैलगाडा शर्यतीत प्रथम क्रमांक येणाऱ्या गाड्यास ७५००१/, व्दितीय क्रमांक ६५००१/ रुपये, तृत्तीय क्रमांक ५१००१/ रुपये, चतुर्थ क्रमांक २५००१ रुपये बक्षिस असून विशेष आकर्षक फायनलसाठी प्रथम क्रमांकास ४१००१/ रुपये, व्दितीय क्रमांकास ३१००१/ रुपये, तृतीय क्रमांकास २१००१/ रुपये, चतुर्थ क्रमाकांस ११००१/ रूपये, पाचवा क्रमांकास ७७७७/ रूपये तसेच प्रत्येक फायनल बैलगाड्यास आकर्षक ट्रॉफी अशी आकर्षक बक्षिसे ठेवली आहेत.
बैलगाडयाच्या शर्यती साठी टोकन रविवार ( दि.२९) रोजी सकाळी ८ ते १२ वाजता काढले जातील.या साठी टोकन फी ५००/ रूपये असेल ती परत केली जाणार नाही.तसेच मंगळवार (दि.३१) रोजी रात्री दहा वाजता मंगला बनसोडे सोबत नितीन बनसोडे करवडीकर यांचा लोकनाटय तमाशाचा कार्यक्रम होईल. बुधवार दि. १/४/२०२६ रोजी सकाळी नऊ ते बारा तमाशाच्या हजेरीचा कार्यक्रम होईल.
बुधवार (दि.०१ एप्रिल ) रोजी ४ ते ६ वाजता कुस्त्यांचा जंगी आखाडा होईल.नंतर भैरवनाथ महोत्सवा निमित्त प्राथमिक शाळा व माध्यमिक विद्यालयाचे वार्षिक स्नेहसंमेलन ” जल्लोष ”२०२६ ” हा कार्यक्रम होईल.यात्रेची शोभा वाढवण्यासाठी ग्रामस्थांनी मोठ्या संख्यने उपस्थित राहावे असे आवाहन यात्रा कमिटीने केले आहे.
या सर्व कार्यक्रमाचे आयोजन नियोजन समस्त ग्रामस्थ खडकवाडी- नाथनगर यांनी केले आहे.अशी माहिती ग्रामस्थांनी एका प्रसिद्धी पत्रकाव्दारे कळविली आहे.
