आंबेगाव तालुक्यातील घरकुल लाभार्थ्यांना महसूल विभागाने त्वरित वाळू पुरवावी!!

आंबेगाव तालुक्यातील घरकुल लाभार्थ्यांना महसूल विभागाने त्वरित वाळू पुरवावी!!

पारगावचे मा.उपसरपंच विठ्ठल ढोबळे यांनी प्रांताधिकारी गोविंद शिंदे यांना दिले निवेदन!!

आंबेगाव तालुक्यात घोड नदीवर वाळूचे साठे मुबलक प्रमाणात शिल्लक आहेत,आंबेगाव तालुक्यातील अनेक घरकुले मंजूर आहेत.मात्र वाळू अभावी घरकुलांची कामे ठप्प झाली आहेत.महसूल प्रशासनाने या घरकुल लाभार्थ्यांना वाळू पुरवावी अशी मागणी पारगावचे मा.उपसरपंच विठ्ठल ढोबळे यांनी केली आहे.

राज्य सरकारने घरकुल लाभार्थ्यांना पाच ब्रास वाळू देण्याची घोषणा केली आहे.आंबेगाव तालुक्यातील अनेक घरकुले,घरकुलांची बांधकामे वाळू अभावी ठप्प झाली आहेत.त्यामुळे अशा लाभार्थ्यांना त्वरित पाच ब्रास वाळू पुरवावी अशी मागणी आंबेगाव- जुन्नरचे प्रांताधिकारी गोविंद शिंदे यांच्याकडे निवेदनाद्वारे मा.उपसरपंच विठ्ठल ढोबळे यांनी केली आहे.

या निवेदनात पुढे म्हटले आहे की, शासनाने घोषित केल्याप्रमाणे घरकुल लाभार्थ्यांना पाच ब्रास वाळू मोफत देण्यात येणार आहे.घोडनदीवर मोठ्या प्रमाणात वाळूचे साठे शिल्लक आहेत. हे साठे खराब होण्याच्या मार्गावर आहेत.त्यामुळे गरजू लाभार्थ्यांना ही वाळू पुरवावी अशी आग्रही मागणी विठ्ठल ढोबळे यांनी प्रांताधिकांऱ्याकडे केली आहे.

यावेळी मा. उपसरपंच विठ्ठल ढोबळे,बजरंग देवडे,सुरज ढोबळे आदी उपस्थित होते.यावेळी प्रांताधिकार्‍यांनी तहसीलदार संजय नागटिळक यांनी लाभार्थ्यांना वाळू पुरवावी अशा सूचना केल्याचे मा. उपसरपंच विठ्ठल ढोबळे यांनी सांगितले.

मंचर ता.आंबेगाव येथे प्रांताधिकारी गोविंद शिंदे यांना पारगावचे मा.उपसरपंच विठ्ठल ढोबळे यांनी मागणीचे निवेदन दिले.