पारगाव : पारगाव (भीमाशंकर सहकारी साखर कारखाना), ता. आंबेगाव येथील दत्तात्रय गोविंदराव वळसे पाटील महाविद्यालयाच्या ॲंटी रॅगिंग समितीच्या सदस्यपदी माजी उपसरपंच विठ्ठल सिताराम ढोबळे यांची सलग दुसऱ्यांदा नियुक्ती करण्यात आली आहे.
सावित्रीबाई फुले पुणे विद्यापीठाच्या विद्यार्थी विकास महामंडळाअंतर्गत ही निवड करण्यात आली आहे. महाविद्यालयातील विद्यार्थ्यांना रॅगिंगपासून संरक्षण मिळावे तसेच सुरक्षित व शैक्षणिक वातावरण निर्माण व्हावे, यासाठी ॲंटी रॅगिंग समिती कार्यरत असते.
या निवडीनंतर महाराष्ट्र राज्याचे माजी गृहमंत्री मा. ना. दिलीपराव वळसे पाटील, भीमाशंकर सहकारी साखर कारखान्याचे अध्यक्ष भगवानराव बेंडे व उपाध्यक्ष प्रदीपदादा वळसे पाटील यांनी विठ्ठल ढोबळे यांचे अभिनंदन केले.
याबाबत महाविद्यालयाचे प्राचार्य नाथा मोकाटे यांनी माहिती दिली.
