ब्रह्माकुमारी संस्थेच्या शिवदर्शन सरोवर परिसरात पर्यावरण दिन उत्साहात संपन्न !!
पंचनामा नाशिक प्रतिनिधी- (त्र्यंबकेश्वर)येथील पेगलवाडी या ठिकाणी ब्रह्माकुमारी संस्थेच्या निर्माणाधीन शिवदर्शन सरोवर परिसरात जागतिक पर्यावरण दिनानिमित्त उपक्षेत्रिय संचालिका ब्रह्माकुमारी वासंती दीदी जी यांच्या अध्यक्षतेखाली वृक्षारोपण कार्यक्रम संपन्न झाला. याप्रसंगी प्रमुख पाहुणे म्हणून माजी नगराध्यक्ष त्रिवेणी ताई तुंगार, डॉ अनुजा बोरसे, डॉ पंकज बोरसे, त्र्यंबकेश्वर मंदिर विश्वस्त संतोष कदम, त्र्यंबकेश्वर वनपरिक्षेत्र अधिकारी सामाजिक वनीकरण श्रीमती प्रियंका बाबुलाल उबाळे व स्टाफ, , ब्रह्माकुमारी पूनम दीदी, ब्रह्माकुमारी ज्योती दीदी, ब्रह्माकुमारी मंगल दीदी आदी मान्यवर उपस्थित होते.
त्र्यंबक-घोटी रोडवरील पहिने या पर्यटन स्थळाजवळील पेगलवाडी या परिसरात सहा एकर भूखंडावर भव्य शिवदर्शन म्युझियमचे नवनिर्माण होत आहे. येथे येणाऱ्या भाविक भक्तगण व पर्यटकांसाठी ह्या ठिकाणी सुख शांती व भगवंताच्या आराधनेचे भव्य स्थान निर्माण होईल असे मनोगत आदरणीय ब्रह्माकुमारी वासंती दीदीजी यांनी याप्रसंगी केले. पर्यावरण दिनाचे औचित्य साधून करण्यात आलेल्या या वृक्षारोपण कार्यक्रमत वेगवेगळ्या प्रकारचे फळझाडे देशी वृक्षांची लागवड करण्यात आली यात आंबा,चिंच, पेरू,चिकू,नारळ आधी वृक्षांनी हा परिसर व्यापून टाकण्यात आला.
