शिरूरच्या १५० महिलांचा मा.खा. शिवाजीराव आढळराव पाटील यांच्या नेतृत्वाखाली बाळासाहेबांची शिवसेनेत प्रवेश!
शिरूरच्या १५० महिलांचा मा.खा. शिवाजीराव आढळराव पाटील यांच्या नेतृत्वाखाली बाळासाहेबांची शिवसेनेत प्रवेश!!!
महिला आघाडी उपजिल्हा संघटकपदी सौ.अश्विनी जाधव तर तालुका संघटक पदी सौ.रेश्मा चौधरी यांच्यासह विविध महिला पदाधिकाऱ्यांचा मा.खा. शिवाजीराव आढळराव पाटील यांच्या हस्ते नियुक्तीपत्रांसह सन्मान!!
लांडेवाडी (ता. आंबेगाव)येथे मा.खा.शिवाजीराव आढळराव पाटील यांच्या जनता दरबारामध्ये शिरूर तालुक्यातील १५० महिलांनी बाळासाहेबांची शिवसेना पक्षात प्रवेश करत मुख्यमंत्री एकनाथजी शिंदे यांच्या भूमिकेला पाठिंबा दर्शविला. यावेळी सर्व नवनियुक्त महिला पदाधिकाऱ्यांचे आढळराव पाटील यांनी स्वागत करून त्यांचा सन्मान केला. तसेच उपस्थित महिलांशी मा. खा.शिवाजीराव आढळराव पाटील यांनी संवाद साधला.
महिला पदाधिकाऱ्यांनी पक्ष संघटनेच्या वाढीबरोबरच राज्याच्या व केंद्राच्या माध्यमातून असणाऱ्या विविध योजनांचा गावागावातील महिलांना लाभ मिळवून देण्यासाठी व त्याद्वारे रोजगार निर्मिती करण्यासाठी पुढाकार घ्यावा अनेक महिला व्यवसाय व उद्योग करण्यासाठी इच्छुक असतात, त्यासाठी त्यांना विविध योजनांच्या माध्यमातून आवश्यक ती मदत करावी. महिलांचे संघटन झाल्यास त्यांना आवश्यक गोष्टींच्या माहितीचे संकलन करावे. व्यक्तिशः मी याकामी लक्ष घालून महिलांना सक्षम करण्यासाठी शासन दरबारी सर्वतोपरी प्रयत्न करेन, विविध भागात मिटकॉन व अन्य यंत्रणाच्या माध्यमातून महिलांसाठी प्रशिक्षण शिबिरे आयोजित करून त्यांना उन्नत करण्यात पुढाकार घेणार असल्याची ग्वाही यावेळी आढळराव पाटील यांनी उपस्थितांना दिली.
या बैठकीच्या आयोजनामध्ये शिरूर तालुकाप्रमुख पै.रामभाऊ सासवडे, उपजिल्हाप्रमुख अनिल काशीद व बाळासाहेबांची शिवसेना शिरूर तालुक्याच्या पदाधिकाऱ्यांनी पुढाकार घेतला.
