पंचनामा प्रतिनिधी वाघोली : भारतीय जैन संघटना माध्यमिक व उच्च माध्यमिक विद्यालय, वाघोली येथील इयत्ता १२ वी विज्ञान शाखेतील विद्यार्थिनी कु. मयुरी शरद खाडे हिने बारावीच्या परीक्षेत ९२% गुण मिळवून प्रथम क्रमांकाने उत्तीर्ण होण्याचा मान मिळविला. विशेष म्हणजे, तिने बी.जे.एस. माध्यमिक व उच्च माध्यमिक विद्यालय, वाघोलीच्या आतापर्यंतच्या विज्ञान शाखेतील विद्यार्थ्यांमध्ये सर्वाधिक गुण मिळविण्याचा मान प्राप्त केला आहे.
कु. मयुरी शरद खाडे हिच्या या उल्लेखनीय यशाबद्दल विद्यालयाच्या वतीने विशेष सत्कार व सन्मान करण्यात आला. विद्यालयाचे प्राचार्य श्री. संतोष भंडारी यांच्या मार्गदर्शनाखाली आयोजित कार्यक्रमात प्रमुख पाहुणे डॉ. संजय पठारे यांच्या हस्ते कु. मयुरीचा पुष्पगुच्छ, सन्मानचिन्ह व शुभेच्छा देऊन गौरव करण्यात आला.
यावेळी संस्थेचे मान्यवर, प्रकल्प अधिकारी डॉ. संजय पठारे, विद्यालयाचे प्राचार्य, उपप्राचार्य, पर्यवेक्षक, सर्व शिक्षक व शिक्षिका, शिक्षकेत्तर कर्मचारी तसेच विद्यार्थी मोठ्या संख्येने उपस्थित होते. प्रमुख पाहुणे व मान्यवरांनी कु. मयुरीच्या यशाचे कौतुक करून तिच्या पुढील शैक्षणिक वाटचालीसाठी शुभेच्छा दिल्या.
कु. मयुरीने आपल्या यशाचे श्रेय पालक, प्राचार्य, शिक्षकांचे मार्गदर्शन, सातत्यपूर्ण अभ्यास व मेहनतीला दिले. तिच्या या उल्लेखनीय यशामुळे विद्यालयाचा नावलौकिक वाढला असून, तिचे सर्व स्तरातून अभिनंदन व कौतुक होत आहे. तिचे यश इतर विद्यार्थ्यांसाठी निश्चितच प्रेरणादायी ठरले आहे.
