पंचनामा विशेष – गावडेवाडी येथे पाटील परिवाराच्या वतीने यंदाचा रक्षाबंधन सोहळा तीन पिढ्यांच्या उपस्थितीत अत्यंत उत्साहपूर्ण आणि आनंदी वातावरणात साजरा करण्यात आला. आजी-आजोबा, आई-वडील आणि लहान मुले अशा तीन पिढ्या एकत्र आल्याने या सोहळ्याला विशेष भावनिक रंग प्राप्त झाला.
या वेळी कुटुंबातील आत्या, मुली तसेच नाती यांनी आपल्या भावांना प्रेमाने राखी बांधून रक्षाबंधनाचा पवित्र सण साजरा केला. आजी-आजोबांचे आशीर्वाद, आई-वडिलांनी दिलेले संस्कार आणि भावंडांमधील अतूट प्रेम यांचा सुंदर संगम या सोहळ्यात अनुभवायला मिळाला.
राखी बांधण्याच्या कार्यक्रमानंतर कुटुंबातील सर्व सदस्यांनी एकत्र येऊन भोजनाचा आनंद घेतला. जुन्या आठवणींना उजाळा देत नव्या पिढीशी संवाद साधताना कुटुंबातील सदस्यांमध्ये आनंदाचे वातावरण निर्माण झाले.
“तीन पिढ्यांना प्रेमाच्या धाग्याने जोडणारा हा सुंदर बंध म्हणजे रक्षाबंधन,” अशी भावना यावेळी कुटुंबीयांनी व्यक्त केली. प्रेम, एकता, आपुलकी आणि संस्कार यांचे जतन करणारा हा अनोखा सोहळा गावडेवाडीतील पाटील परिवारासाठी अविस्मरणीय ठरला.
