पंचनामा प्रतिनिधी – पोंदेवाडी (ता.आंबेगाव ) येथील रोडेवाडी फाटा या महत्त्वाच्या चौकात पोलीस विभागाकडून बसविण्यात आलेल्या अत्याधुनिक कॅमेऱ्यांची पाहणी करण्यात आली.
अष्टविनायक महामार्ग आणि बेल्हा-जेजुरी महामार्ग एकत्र येणाऱ्या या ठिकाणी वाहतूक मोठ्या प्रमाणात होत असल्याने सुरक्षेच्या दृष्टीने ही व्यवस्था करण्यात आली आहे.
मा. दिलीपराव वळसे पाटील तसेच मा. खा. शिवाजीराव आढळराव पाटील यांच्या मार्गदर्शनाखाली पुणे जिल्हा परिषदेचे उपाध्यक्ष विवेक वळसे पाटील यांनी या कॅमेऱ्यांची पाहणी केली.
या कॅमेऱ्यांमुळे वाहतूक नियंत्रण, नियमभंग ओळखणे, अपघातांची कारणे समजणे, तसेच आपत्कालीन मदत जलद मिळणे शक्य होणार आहे. याशिवाय गुन्हेगारीवर नियंत्रण ठेवण्यासाठीही ही व्यवस्था उपयुक्त ठरणार आहे.
यावेळी पारगाव कारखाना पोलीस ठाण्याचे पोलीस निरीक्षक सचिन कांडगे, पंचायत समिती सदस्या अंकिता वाळुंज, अनिल वाळुंज, संदीप पोखरकर, साळवे, जोरी, सतीश घोलप, रामभाऊ वाळुंज व अन्य मान्यवर उपस्थित होते.
