पंचनामा लोणी (धामणी) प्रतिनिधी – सेंटर फॉर ट्रान्सफॉर्मिंग इंडिया, मुंबई व ॲटलास कार्पो ग्रुप, स्वीडन यांच्या संयुक्त विद्यमाने आयोजित खेड तालुक्यातील पंढरी लॉन्स, कडूस येथे झालेल्या कार्यक्रमात न्यू इंग्लिश स्कूल लाखणगाव च्या इ. ८ वी च्या १३ विद्यार्थिनीना शाळेतील सायकल बँकसाठी १३ सायकल मोफत मिळाल्या आहेत.
कार्यक्रमाच्या निमित्ताने शाळा व्यवस्थापन समितीचे अध्यक्ष नवनाथ गाडगे,उपाध्यक्ष प्रदीप रोडे पाटील, १३ विद्यार्थिनी, उपशिक्षिका कल्पना राजगुरु , मुख्याध्यापक अनिल देसले, मनोज पाटील यांनी सायकल स्वीकारल्यात.
यावेळी सीएफटीआयचे प्रमुख श्री.देशपांडे यांनी विद्यार्थिनींना शाळेत येण्या-जाण्यासाठी पुढील काळात अजून भरीव मदत करणार असे आश्वासन दिले तथा शाळेतील विद्यार्थिनींसाठी पुढील काळात अजून सायकल देऊ असे ॲटलास कार्पोचे अधिकारी यांनी नमूद केले. शाळेत सुमारे सात ते आठ फाउंडेशन संलग्न करून विद्यार्थ्यांना नवीन नवीन शैक्षणिक सुविधा उभारत आहोत. यात पुन्हा एक सीएफटीआय फाउंडेशन ची भर पडली व पुढील काळात अजून विद्यार्थ्यांसाठी अत्याधुनिक सुविधा निर्माण करू असे मुख्याध्यापक अनिल देसले यांनी नमूद केले.
