पारगाव (शिंगवे) येथील पारगाव – जारकरवाडी रस्त्यावरील लबडे मळ्यातील विहिरीत बिबट्या मृतावस्थेत आढळला!!
पारगाव (शिंगवे) येथील पारगाव – जारकरवाडी रस्त्यावरील लबडे मळ्यातील विहिरीत बिबट्या मृतावस्थेत आढळला!!
आंबेगाव तालुक्यात पूर्व भागांतील सर्वार्थाने प्रगतशील गाव म्हणून ओळख असणाऱ्या पारगाव (शिंगवे) येथील पारगाव – जारकरवाडी रस्त्यावरील लबडे मळ्यातील सुगंध पोंदे,आगंद पोंदे यांच्या मालकीच्या विहिरीत बिबट्या मृतावस्थेत आढळला आहे. या बिबट्याचे वय साधारणपणे 2 ते 3 महिने इतके असुन विहिरीच्या बाजुला असलेल्या मातीच्या व दगडाच्या खिरपालावर खेळत असताना अचानक बाजूनेच जाणाऱ्या रस्त्यावरून वाहनाचा आवाज अथवा प्रकाश पडल्याने बिबटया विहिरीत पडला असल्याचा प्राथमिक अंदाज वनविभागाच्या वनरक्षक वणमाला गिते मॅडम यांनी व्यक्त केला आहे.
आंबेगाव तालुक्यातील भिमाशंकर कारखाना परीसरात सध्या मोठया प्रमाणावर ऊसतोड सुरु आहे. ऊसतोड झाल्याने बिबटया अन्न पाण्याच्या शोधार्थ मानवी वस्ती लगत भटकताना दिसून येतो आहे. ही विहीर देखील मानवी वस्ती लगतच असुन या बिबटया सोबत मादी, अजुन एखादे पिल्लु असल्याची शक्यता नाकारता येणार नसल्याची माहिती गिते यांनी दिली.
