धामणी(ता.आंबेगाव) येथे सोमवारी सोमवतीचा सोहळा!! सोमवतीच्या नवीन ओट्याचे लोकार्पण!!
धामणीत सोमवारी सोमवतीचा सोहळा!
सोमवतीच्या नवीन ओट्याचे लोकार्पण!!
धामणी ( तालुका आंबेगाव) येथील कुलस्वामी म्हाळसाकांत खंडोबा देवस्थान मंदिरात नवीन सोमवतीच्या ओट्याचे लोकार्पण,व शाहीस्नान,मिरवणूक व महाप्रसाद कार्यक्रमासह सोमवती सोहळा येत्या सोमवारी ( दिनाक २०) थाटात साजरा करण्याचा निर्णय ग्रामस्थ, पंचक्रोशीतील भाविक,देवाचे मानकरी,सेवेकरी यांच्या बैठकीत घेण्यात आला असल्याचे भगत,ताबे, वाघे वीर मंडळीनी सांगितले.
सोमवार दिंनाक २० फेब्रुवारी रोजी सोमवती दुपारी १२ वाजून ३६ मिनिटापर्यत असल्याने सकाळी लवकरच देवाचे पंचधातूचे मुखवटे पालखीतून शाहीस्नानासाठी भगतांच्या विहीरीवर मंदिरातून आणण्यात येणार असल्याचे वाघे मंडळीनी सांगितले.
सोमवतीच्या ओट्याचा लोकवर्गणीतून आकर्षक जिर्णोध्दार करण्यात आलेला असल्याने सोमवारी सोमवतीला या ओट्यावर खंडोबाचे सोमवतीचे व मानाच्या काठीचे मानकरी श्री नरके मंडळी ( तळेगांव ढमढेरे)श्री राजगुरु मंडळी ( अवसरी खुर्द) पंचरास मंडळी ( कवठे यमाई) वाळूंज (वाळूंजनगर लोणी) आगरकर मंडळी (पाबळ) श्री गावडे मंडळी (गावडेवाडी) पडवळ व आवटे ( महाळूंगे पडवळ) यांच्या हस्ते खंडोबाच्या पंचधातूच्या मुखवट्याला शाहीस्नान घालण्यात येऊन या नवीन सोमवतीच्या ओट्याचे लोकार्पण करण्यात येणार आहे.त्यानंतर पूजा व महाआरती झाल्यानंतर परगांवाहून आलेल्या मानकरी मंडळीचा देवस्थानाच्या वतीने मानाची टाँवेल टोपी देऊन सत्कार करण्यात येणार आहे.
त्यानंतर देवाच्या मुखवट्याची पालखीतून धामणीच्या पेठेतून हालगी,डफडे,ढोलकी,ताशा,संबळ सनई तुतारी या पारंपारिक वाद्याच्या गजरात वाजतगाजत मिरवणूक काढण्यात येणार आहे धामणी,लोणी येथील पंचरास मंडळीचे वादनाचे ताफे या मिरवणूकीत सामील होणार असल्याचे पंचरास मंडळीनी सांगितले.
सोमवतीच्या सोहळ्यासाठी व खंडोबाचे दर्शनासाठी येणार्‍या भाविक व ग्रामस्थासाठी मंदिरात ग्रामस्थाच्या वतीने महाप्रसादाचे आयोजन करण्यात आले असल्याचे सांगण्यात आले.
यावेळी खंडोबा देवस्थानाचे मुख्य पुजारी दादाभाऊ भगत,प्रभाकर भगत,सुभाष तांबे,धोंडीबा भगत,माऊली जाधव वाघे,दिनेश जाधव,सिताराम जाधव वाघे,शांताराम भगत,नामदेव वीर प्रमोद देखणे,अशोक काचोळे,संभाजी काचोळे. सागर जाधव,गणेश तांबे,मयुर सरडे,संदीप बोर्‍हाडे,प्रदीप भुमकर,मनोज तांबे,सुरेश बढेकर,गोविंदराव जाधव,संतोष जाधव,पांडुरंग जाधव,शशिकांत जाधव,उत्तमराव जाधव ,डाँ मंगेश सोनवणे, जेष्ठ पत्रकार रामदास नेहूलकर व विठ्ठलराव जाधव,रामदास मैंड,ज्ञानेश्वर मैड,डाँ महेश जाधव,निलेश करंजखेले,बाळासाहेब तांबे.कैलास रोडे,अशोक केरुजी जाधव,बाळासाहेब लालजी बढेकर.अजित बोर्‍हाडे,मच्छिद्र वाघ, पांडुरंग आळेकर,मिलींद शेळके, यांच्यासह सेवेकरी मानकरी खांदेकरी व ग्रामस्थ मोठ्या संख्येने उपस्थित होते.
