पंचनामा प्रतिनिधी मंचर – आदर्श ग्राम गावडेवाडी तां (आबेगाव ) येथील साई युवक क्रीडा व नवरात्रोत्सव मंडळाच्या वतीने गावातील एकल महिलांना हळदीकुंकू व साडीचोळी देऊन या महिलांचा उचित सन्मान करण्यात आला.
पंचक्रोशीत या आगळ्यावेगळ्या अनोख्या कार्याचे व साई युवक व क्रीडा व नवरात्रौ उत्सव मंडळाचे कौतुक होत आहे.
आदर्श गाव गावडेवाडीतील साई व क्रीडा व नवरात्रौ उत्सव मंडळ नेहमीच आगळे वेगळे कार्यक्रम व वंचित घटकांना प्रवाहात आणण्याचे काम करीत असतात.त्याचाच एक भाग म्हणून समाजात एकल महिलांना सन्मान मिळण्यासाठी मंडळाने हे आगळे वेगळे पाऊल उचलले आहे. रविवारी ( ता . १८ ) रोजी भैरवनाथ मंदिर पुढे रात्री आठ वाजता हा कार्यक्रम संपन्न झाला.
याच कार्यक्रमात गावात एकूण ३९ वर्षे ग्राम विकास अधिकारी व ज्यांनी गावडेवाडी चे नाव दिल्लीपर्यंत पोहोचवण्यासाठी रात्रंदिन प्रयत्न केले असे ग्रामविकास अधिकारी मनोहर दत्तात्रय थिटे व त्यांच्या सुविध्य पत्नी शकुंतला मनोहर थिटे यांचा सन्मान करण्यात आला.भैरवनाथ चौकात संपन्न झालेल्या या कार्यक्रमाला आबालबुद्ध व विशेषता : महिलांनी बहुसंख्येने गर्दी केली होती.कार्यक्रमानंतर महाआरती व त्यानंतर सर्वांना महाप्रसादाचे वाटप करण्यात आले.
या सर्व कार्यक्रमाचे सूत्रसंचालन माजी सरपंच देवराम बाळकृष्ण गावडे यांनी केले.या कार्यक्रमासाठी साई युवक नवरात्रौ क्रीडा व नवरात्र उत्सव मंडळाच्या कार्यकर्त्यांनी विशेष परिश्रम घेतले.
आदर्शग्राम गावडेवाडी (ता. आंबेगाव ) येथील साई युवक क्रीडा व नवरात्रौ उत्सव मंडळाच्या वतीने एकल महिलांचा साडीचोळी व हळदीकुंकू देऊन सन्मान करण्यात आला .
