वडगावपीर ( ता.आंबेगाव )येथील श्री बोल्हाई माता सेवा मंडळाच्या वतीने श्री बोल्हाई माता मंदिराचा ९ वा वर्धापन दिन सोहळा संपन्न होणार असून यानिमित्त बुधवार (दि.१४ ) रोजी सायंकाळी ६ ते रात्री ८ वाजता ह.भ.प. मनिषाताई आदक यांची किर्तन सेवा होणार आहे. त्यानंतर महाप्रसादाचा कार्यक्रम होईल.
गुरुवार ( दि.१५ ) रोजी विविध धार्मिक व सांस्कृतिक कार्यक्रमांचे आयोजन करण्यात आले आहे.
सकाळी काकड आरतीने कार्यक्रमांना सुरुवात होणार असून, सकाळी ५ ते ७ वाजता काकडा, सकाळी ९ ते ११ या वेळेत आईच्या मानाच्या साडयांची मिरवणूक, सकाळी १० ते दुपारी १२ या वेळेत अभिषेक, महापूजा व होमहवन, दुपारी १२.३० ते २ या वेळेत खिचडी व फळांचे वाटप, दुपारी २ ते ४ या वेळेत भजन, तर सायंकाळी ६ ते ७ या वेळेत हरिपाठ होणार आहे. सायंकाळी ७ ते रात्री ९ वाजता ह.भ.प. अश्विनीताई टाव्हरे यांचा कीर्तनाचा कार्यक्रम होणार आहे. रात्री ९.१५ ते १०.३० वाजता महाप्रसादाचे आयोजन करण्यात आले आहे.
या धार्मिक सोहळ्याचा भाविकांनी सहपरिवार उपस्थित राहून लाभ घ्यावा व कार्यक्रमाची शोभा वाढवावी, असे आवाहन श्री बोल्हाई माता सेवा मंडळ, बोल्हाई वाडी, वडगावपीर यांच्या वतीने करण्यात आले आहे.
