पंचनामा लोणी (धामणी) प्रतिनिधी – आंबेगाव तालुक्यातील सर्वार्थाने प्रगतशील गाव म्हणून ओळख असणाऱ्या लोणी (धामणी) येथील जिल्हा परिषद शाळेमध्ये बाल आनंद मेळावा उत्साहात पार पडला.
मेळाव्यामध्ये खाऊ गल्ली, बाजार स्टॉल, विविध प्रकारचे खाद्यपदार्थ स्टॉल लावण्यात आले होते. यावेळी शाळेच्या शिक्षिका मोटे मॅडम यांनी सांगितले की,मुलांमध्ये व्यवहार ज्ञान,आत्मविश्वास,नेतृत्व गुण,संवाद कौशल्य, जबाबदारीची जाणीव या उद्देशाने या बाल मेळाव्याचे आयोजन करण्यात आले आहे.
यावेळी भाजीपाला, फळभाज्या, विविध प्रकारच्या घरगुती खाद्यपदार्थ त्यामध्ये दक्षिणात्य खाद्यपदार्थ, बेकरी पदार्थ, विविध प्रकारचे चॉकलेट्स, संतुलित पदार्थ इत्यादी पदार्थ विक्रीस ठेवण्यात आले होते. पालकांनी या बाल मेळाव्याचे कौतुक केले.
यावेळी लोणी गावचे लोकनियुक्त सरपंच डॉ. सावळेराम नाईक ,मा. उपसरपंच शिवाजीराव गायकवाड, समाजभूषण कैलासराव गायकवाड, ग्रामपंचायतचे मा.सदस्य रवींद्र रोकडे, राहुल भागवत, विशाल वाळुंज, राजगुरुनगर सहकारी बँकेचे अधिकारी वैभव लंके, दिगंबर तात्या सोनवणे, व शिक्षण समितीचे अध्यक्ष गौरव रोकडे, उपाध्यक्ष सोनाली खंडागळे, बळशीराम वाळुंज, निर्मला कदम, मंगेश थोरात,कांचन गायकवाड,योगेश वाळुंज,अस्मिता जाधव,सोमनाथ वाळुंज वर्षा आढाव, यशवंत वाळुंज श्री भैरवनाथ विद्याधाम शाळेचे प्राचार्य ढगे सर, तांबोळी सर व ग्रामस्थ उपस्थित होते.
मुख्याध्यापक मोबीन मुंडे सर व त्यांचे शिक्षक सहकारी कदम सर, चौधरी सर,मोटे मॅडम यांनी या बाल आनंद मेळाव्यासाठी विशेष प्रयत्न केले.
