निरगुडसर(ता.आंबेगाव) येथील पंडीत जवाहरलाल नेहरू विद्यालयाचे प्राध्यापक गंगावणे सर व कुटुंबीयांचा समृद्धी महामार्गावर झालेल्या भीषण अपघातात मृत्यू.

निरगुडसर(ता.आंबेगाव) येथील पंडीत जवाहरलाल नेहरू विद्यालयाचे प्राध्यापक गंगावणे सर व कुटुंबीयांचा समृद्धी महामार्गावर झालेल्या भीषण अपघातात मृत्यू.

निरगुडसर व परिसरातील गावांवर पसरली शोककळा.

निरगुडसर(ता.आंबेगाव) येथील पंडीत जवाहरलाल नेहरू विद्यालयाचे प्राध्यापक गंगावणे सर व कुटुंबीयांचा समृद्धी महामार्गावर झालेल्या भीषण अपघातात मृत्यू झाला आहे. समृद्धी महामार्गावर झालेल्या भीषण अपघातात गंगावणे सर व कुटुंबीयांचा मृत्यु झाल्याने निरगुडसर व परिसरातील गावांवर तसेच बारामतीतील काळे कुटुंबीयांवर देखील शोककळा पसरली आहे.

येथील ऍड. अमर काळे यांची बहीण कांचन गंगावणे (वय 38), त्यांचे पती कैलास गंगावणे (वय 48) व सई गंगावणे (वय 20) या तिघांचाही या अपघातामध्ये दुर्दैवी मृत्यू झाल्याची बातमी पहाटे आल्यानंतर काळे कुटुंबीयांना मानसिक धक्का बसला आहे.

नागपूरहून पुण्याच्या दिशेने गंगावणे कुटुंब प्रवासासाठी विदर्भ ट्रॅव्हल्स बसने निघाले होते. गंगावणे कुटुंबीयांच्या मुलाला नागपूरमधील विधी महाविद्यालयात प्रवेश मिळाला होता. त्याला महाविद्यालयात सोडून हे कुटुंबीय परतीच्या दिशेने निघाले होते त्याच वेळेस त्यांच्यावर काळाने घाला घातला.

साई गंगावणे ही अतिशय हुशार विद्यार्थीनी होती.तिला तिच्या गुणवत्तेवर आयुर्वेदिक महाविद्यालयांमध्ये वैद्यकीय शिक्षणासाठी प्रवेश मिळाला होता व ती वैद्यकीय शिक्षणाची विद्यार्थिनी होती.

या तिघांचाही फोन लागत नसल्याची बाब लक्षात आल्यानंतर व बसच्या अपघाताची माहिती मिळाल्यानंतर अमर काळे यांनी शोध सुरू केला.

विरोधी पक्षनेते अजित पवार यांचे स्वीय सहाय्यक सुनील कुमार मुसळे यांनी देखील तातडीने हालचाल करून या अपघातात बाबत बुलढाण्याच्या पोलीस अधीक्षकांची संपर्क साधून तातडीने माहिती घेतली. नागपूरहून पुण्याकडे निघालेल्या प्रवाशांच्या यादीमध्ये या तिघांचेही नाव असून त्यांच्या मोबाईलचे शेवटचे लोकेशन अपघात स्थळी असल्याने हे तिघे या बसमधून प्रवास करत होते, अशा निष्कर्षाप्रत पोलीस आलेले आहेत.

दरम्यान काळे कुटुंबीयांनी गंगावणे कुटुंबीय याच बसमधून प्रवास करत होते या वृत्तास दुजोरा दिला आहे.